Udaas kaghazi mousam main rang-o-bu rakh do
Her ik phool kay lab pe mera lahoo rakh dy
Zubaan-e-gul se chahatein trashnay wale
Sakoot-e-naqsh main aaraish-e-namu rakh dy
Giraan lagay hai jo ehsaan dasht-e-qatil ka
Uth aur teegh kay lab pe rag-o-gulu rakh dy
Chala hai jaanib-e-meh'khana aaj phir waaiz
Kahin na jaam pe lab apnay be'wuzu rakh dy
Khuda kare mera munsif saza sunaanay main
Mera her sar mere qaatil kay ru-ba-ru rakh dy
Samandron ne bulaya hai tujh ko ae "Bekal"
Tu apni pyaas kay sehra main aabru rakh dy
No comments:
Post a Comment