Ishq kay ilaaqay main hukam-e-yaar chalta hai

Ishq kay ilaaqay main hukam-e-yaar chalta hai

Zaabtay nahin chaltay

Husan ki adaalat main aajzi to chalti hai

Martabay nahin chaltay

Dosti kay rishton ki parwarish zaroori hai

Silsalay taaluq kay khud se ban to jaatay hain

Lakin is shagoofon ko tootnay bikharnay se

rokna bhi parta hai

Chahton ki matti ko

Aarzoo kay poday ko

Seenchna bhi parta hai

Ranjishon ki baaton ko

Bhoolna bhi parta hai

Kiyon keh ishq kay ilaaqay main hukam-e-yaar chalta hai

Zaabtay nahin chaltay