Jaan lo wafa nahin milti

Wafa dhoondnay walo 

Kabhi sehra ki rait chaani hai 

Kabhi sagar ki lehron ko gina hai 

Kabhi aasmaan kay taaron ko shumaar kiya hai 

Nahin 

To

Jaan lo wafa nahin milti

Zindagi se

Sanam ki zulfon se

Wafa milti hai 

To

Sirf aur sirf

Dhalti shaam se

Utartay samandar se

Gehri chalti tareeki-e-shab se

Dil main sulagti aatish-e-ishq se

Aur

Wafa milti hai 

Raah-e-adam pe

To

Ae mutlaashi-e-wafa

Chal orh lay matti ki chadar 

Aur gum ho ja amar hoti wafaon main