Jaanta hai woh magar

Dard be'kraan hai 

Dil main jo rawaan hai 

Jaanta hai woh magar 

Us ko yeh gumaan hai 

Baarishon kay aanay tak 

Zabt kar hi jaaon ga 

Jis tarah bhi ban para 

HAnson ga , muskuraaon ga 

Mujh pe hai bhout yaqeen 

Us ko yeh kabar nahin 

Ashk to azaad hain 

Dil pe to jabar nahin 

Baarish kay aanay tak

Ashk ruk na payein gay 

Jaanta hoon zabt kay 

Band toot jayein gay 

Phir bhi yeh khyaal hai 

Us ka maan rakhna hai 

Ashk na woh dekh lay 

Yeh dihaan rakhna hai 

Surkh , nam aankahin liye

Dekhta hoon aasmaan 

Aur sawaal karta hoon 

Ae khuda-e-do jahan 

Baarishain kab ayein gi 

Baarishain kab ayein gi