Aashnaa hotay huye bhi aashna koi nahin
Jaantay sab hain mujhay , pehchaanta koi nahin
Aik tanha meray zimmay kiyon hai kaar-e-ehtajaaj
Bolna sab jaantay hain , bolta koi nahin
Meh'kashi ki bhi saza hai , khud khushi ki bhi saza
Kon kis mushkil main hai yeh dekhta koi nahin
Mukhtalif lafzon main yeh hai ab mizaaj-e-dosti
Raabta sab se hai , lakin waasta koi nahin
Hum ne khud paida kiye hain zindagi main maslay
Warna sachi baat yeh hai masla koi nahin
Khud kalaami thi jissay main guftagoo samjha kiya
Main akela tha , yahaan aya gaya koi nahin
Hussan ho na'meharbaan ya ishq khud be'mehar ho
Haar dono ki hai is main jeet'tata koi nahin
Aik pathar aaj meri aankh par aa kar laga
Main ghalat samjha , mujhay pehchaanta koi nahin
No comments:
Post a Comment