Jo Sach Kehta Hai Uski aik Bhi Maani Nahi Jati

Sharafat Soz Tasveeron Ki Uryani Nahi Jati

Adab Ki AAR Main Targheeb-e-Roomani Nahi Jati

Khuda Maloom Kia Anjaam Hoga Nasl-e-Aadam Ka

Watan" Se Fahash Naghmon Ki Farawani Nahi Jati

Azab Aaye To Us Main Sainkron Ki Jan Jati Hai

Nahi Jati To Shaitanon Ki Shaitani Nahi Jati

Kaheen Basti Ki Basti Boond Pani Ko Tarasti Hai

Kaheen Barish Barasti Hai To Tughyani Nahi Jati

Jahan K Zrray Zrray Se Numayaan Hai Jalal Uska

Magar Ham Se Khuda Ki Zaat Pehchani Nahi Jati

Zamana Is Qadar Qaail Hua Hai Jhoot Ka yaaro

Jo Sach Kehta Hai Uski aik Bhi Maani Nahi Jati