keh koi dasht-e-wehshat hai

Mohabbat kab samjhti hai 

keh koi dasht-e-wehshat hai 

Jo khawabon main bas aankhon ko 

Janay kab kahan jhanjhor dalay ga 

Mohabbat kab samjhti hai ?

KEh yeh jo saamp sa andar hi andar haampta hai 

Saans leta hai 

Na'janay kab kahan yeh kon si masoom khwaish ko 

Youn hi bhan'bhor dalay ga 

Mohabbat kab samjhti hai 

keh yeh jo shafaaf rehtay hain

Dar-e-manzil pe ruktay hain 

Thakhan tohfa nahin dain gay

Kahin bhatka nahin dain gay 

Mohabbat kab samjhti hai 

Keh in shafaaf raaston se 

Koi dukh dard ki jaanib 

Ussay na mor daalay ga 

Mohabbat kab samjhti hai 

Keh koi tor dalay ga