Khandar aankhon main gham abaad karna

Khandar aankhon main gham abaad karna

KAbhi fursat mile to yaad karna

Aziyat ki hawas bujhnay lagi hai

Koi taza sitam ijaad karna

Kai sadiyaan pighalnay ka aalam hai

Badan se rooh ko azaad karna

Abhi kaisi paristish bijliyon ki

Abhi ghar kis liye barbaad karna

Tumhara jhoot sach se mohtabar hai

Mere haq main bhi kuch irshaad karna

Ajab hai dhoop chaaon hijraton ki

KAbhi hansana kabhi fariyaad karna

Jahanum jhailnay se bhi , kathan hai

Anaa ko khoogar-e-be'daar karna

Kabhi pathar se sar takraa kay Mohsin

Adaa qarz sar-e-farhaad karna