Kiyon mujh pe khula main zinda hoon

Ik hijar se kiya azaad huye ,so hijar naye ijaad huye 

Phir ik nazar siyaad bani 

Aik nazar ka taahir said hua phir

Ashk ka dariya qaid hua 

Phir dharkan main bhoonchaal paray

Phir ishq ka jogi galiyon main 

Taqdeer ka saamp ....utha laya 

Phir hosh ka jungle sabz hua , phir shouq-e-darinda jaag utha 

Phir zulam kay taiwar shaam banay , Us shaam main phir mehtaab charha 

Phir hont ki larzish geet bani , Phir saans ka naam saba tehra 

Phir, Shair shaoor ka wird hua , phir zanjeerain zaiwar tehrein 

Phir taqdeerain in'aam huyein 

Phir khoon se likhay jazbon ki kuch tehreerain , neelaam huyein 

Phir dard "Zulaikha" ban baitha , Phir Qurb ka karb jawaan hua 

Tab mujh pe khula main zinda hoon , phir dil ko dharakna yaad aya 

Kuch wisaal subhain shab khaiz huyein , kuch hijar ki nabzain tez huyein 

JAb qaid ko taza umar mili Us qaid-e-umar kay bakhton ne 

Aik shaam sehar se pooch liya

Majboor hi rehna tha to hamain woh , pichla hijar hi kaafi tha 

Gar qaid-e-jahan hi apnaani thi 

Kiyon pichlay jaal ko chora tha 

Kis ehad pe pinjra... tora tha 

JAb jaal teri kamzori thi , siyaad ko kiyon bad'naam kiya 

Ab soch raha hoon muddat se 

Kiyon mujh pe khula main zinda hoon .....

Dil ko dharakna yaad aya