Lakin baat ik aur bhi hai

Tum kehtay ho to sach ho ga 

Aag main gul khil saktay hon gay 

Mil kay dil kho saktay hon gay 

Kho kar dil mil saktay hon gay 

Tum kehtay ho to sach ho ga 

Rang'ba'rang kay saaray panchi

Mil jul kay urr saktay hon gay 

Aan hi aan main jeevan sapnay 

Toot kay phir jurr saktay hon gay 

Tum kehtay ho to sach ho ga 

Yeh sab kuch ho sakta ho ga 

Lakin baat ik aur bhi hai 

Meray ilawa bhi kiya koi 

Tum ko youn sach manay ga