MAin hoon ya tu hai , khud se gurazan jaisay
Mere aagay koi saya hai , kharaman jaisay
Tujh se pehlay to bahaaron ka , yeh andaaz na tha
Phool youn khiltay hain , Jalta ho gulistaan jaisay
Youn teri yaad se hota hai , ujaala dil main
Chandani main chamak uthta hai , baiyabaan jaisay
Dil main roshan hai , abhi tak tere wadon kay chragh
Toot'ti raat ki tarah ho, farozan jaisay
Waqat badla par , na badla mera miyaar-e-wafa
Aandiyon main , sar-e-kohsaar chragan jaisay
Zakham barhaata hai zamana, magar is tarah
Si raha ho koi , phoolon kay giribaan jaisay
No comments:
Post a Comment