MAin kiya karoon ga

Chalay jo ho to bata kay jaao

Keh kitni shaamain udaas aankhon main kaati hain ?

Keh kitni subhain akelay pan main guzaari hain ?

Bata kay jaao keh kitnay suraj azaab raaston ko dekhna hai 

Keh kitnay mahtaab sard raaton ki wusa'aton se nikaalnay hain ?

Bata kay jaao

Keh chaand raaton main waqat kaisay guzarna hai ?

Khamosh lamhon main tujh ko kitna pukaarna hai 

Bata kay jaao

Keh kitnay lamhay shumaar karnay hain hijar ki raaton kay 

Keh kitnay mousam aik aik kar kay judaiyon main guzaarnay hain 

Bata kay jaao

Keh panchiyon ne akelay pan ka sabab jo poocha 

To kiya kahoon ga 

Kisi ne rastay main rok kar jo mujh se poocha 

Keh pichlay mousam main saye saye jo ajnabi tha

Kahan gaya hai 

To kiya kahoon ga 

Bata kay jaao 

Keh kis pe hai aaitabaar karna 

To is ki baaton pe be'niazi kay silsalay ikhtayaar karna 

Bata kay jaao keh ab rawiyon ki chaal kiya ho

Jo ab kiya ho , sawaal kiya ho 

Arooj kiya ho , zawaal kiya ho 

Nigah , rukhsaar , zulf , chehra , nidhaal kiya ho 

Bata kay jaao 

Keh meri haalat pe chandani khil'khila pari to

Main kiya karoon ga 

Bata kay jaao

Keh meri surat pe tairagi muskura pari to 

MAin kiya karoon ga 

Bata kay jaao keh tum ko kitna pukaarna hai 

Bichar kay tujh se yeh waqat kaisay guzaarna hai 

Ujaarna hai , nikhaarna hai 

Chalay jo ho to 

Bata kay jaao 

Keh loatna bhi hai .....? ya