Main jahan tum ko bulaata hoon wahaan tak aayo
Meri nazron se guzar kar dil-o-jaan tak aayo
Phir yeh dekho keh zamanay ki hawa hai kaisi
Saath meray meray firdos-e-jaan tak aayo
Tegh ki tarah chalo chor kay aaghosh-e-niyaam
Teer ki tarah se aghosh-e-kamaan tak aayo
Phool kay gird phiro baagh main maanind-e-naseem
Misal-e-parwaana kisi shaam-e-tapaan tak aayo
Lo woh sadiyon kay jahanum ki hadain khatam huiein
Ab hai firdous hi firdous jahan tak aayo
Chor kay weham-o-gumaan husan-e-yaqeen tak poncho
Par yaqeen se bhi kabhi weham-o-gumaan tak aayo
No comments:
Post a Comment