Mohabbat tumhari zaat jaisi hai
Mohabbat is tarah jaisay titliyon kay par
Mohabbat zindagi ki jabeen-e-naaz ka jhoomar
Mohabbat aarzoo ki seep ka anmol sa gohar
Mohabbat aas ki dhoop main umeed ki chahadar
Mohabbat hai tera gaisoo
Teri aankhain
Mohabbat hain teri baatain
Mohabbat hai tumhari hijar ki aur wasal ki raatain
Mohabbat hai teri dharkan
Mohabbat hai teri saansain
Mohabbat hai teri khamoshi
Tumhari baat jaisi hai
Mohabbat ko agar samjho
Mohabbat tumhari zaat jaisi hai
No comments:
Post a Comment