Nazar mila kay mere paas aa kay loot liya
Nazar hati thi keh phir muskuraa kay loot liya
Dohaai hai mere Allah ki dohaai hai
Kisi ne mujh se hi mujh ko chupa kar loot liya
Salaam us pe keh jis ne utha kay parda-e-dil
Mujhi main reh kay mujhi main samaa kay loot liya
Yahan to khud teri hasti hai ishq ko dar'kaar
Woh aur hon gay jinhain muskuraa kay loot liya
Nigah daal di jis par haseen aankhon ne
Ussay bhi husan-e-mujasam bana kay loot liya
No comments:
Post a Comment