Raat kat'ti rahi , chaand jalta raha

Raat kat'ti rahi , chaand jalta raha

Aatish-e-hijar main koi jalta raha

Tanhai dil ko dasti rahi

Koi be'chain karwat badalta raha

Aas-o-umeed ki shamma roshan rahi

Ghar ki dehleez ko koi takta raha

Raat bhar chandani gun'gunaati rahi

Raat bhar koi tanha siskata raha

Ashk palkon pe aa kay bikhartay rahay

Naam lab pe kisi ka larazta raha

Aaj phir raat basar ho hi gayi

Aaj phir koi khud se ulajhta raha