Rishtay bantay hain aasmaano main

Phir us khwaab ne be'chain kar diya ho ga 

Neend main hi sahi mera naam jab liya ho ga 

Kon aata hai kisi se is tarah milnay 

Mera khyaal teray dil main aa gaya ho ga 

Kuch to hai teray meray darmiyaan kahin 

Ek baar sahi dil zor se dharka ho ga 

Kabhi yaad jo ayi ho gi tanhai main 

Laakh roka magar ek aansoo to tapka ho ga 

Ishq zaahir na ho zubaan se magar 

Sab aankhon ne keh diya ho ga 

Rishtay bantay hain aasmaano main 

Tera mera bhi teh hua ho ga 

Dil main tasveer kisi ki hai "Zahid"

Haan yaqeenan tumhain pata ho ga