Ro paro gay

Bahaar rut main ujaar raastay 

Dekha karo gay to ro paro gay 

Kisi se milnay ko jab bhi Mohsin 

Saja karo gay to ro paro gay 

Tumharay wadon ne yaar mujh ko 

Tabaah kiya kuch is tarah se 

Keh zindagi main jo phir kisi se 

Daga karo gay to ro paro gay 

Main jaanta hoon meri mohabbat 

Ujaar dy gi tumhain bhi aisay hi 

Keh chaand raaton main ab kisi se 

Mila karo gay to ro paro gay 

Barsati baarish main yaad rakhna 

Tumhain staein gi meri aankhain 

Kisi wali kay mizaar par jab 

dua karo gay to ro paro gay