Rooh ko sard likhtay raho

Shaairo dard likhtay raho

Rooh ko sard likhtay raho........Shaairo dard likhtay raho

Aansoo'on ko sitaara likho.......Khwaab ko ik ishaara likho

Ishq main sab gawaara likho....Dil ki qismat khasaara likho

Rat'jagay ista'aara likho.....Waqat kaisay guzaara likho 

Raat ko be;sahaara likho ... kis ne kis ko pukaara likho 

Chaand hai zard likhtay raho....Shaairo dard likhtay raho

Soch ko shabnami likh diya...dhoop chaandani likh diya 

Aah ko shairy likh diya ..... Saans ko zindagi likh diya 

Zabt ko be'basi likh diya ...Rabt ko ajnabi likh diya 

Dil pe hai gard likhtay raho...Shaairo dard likhtay raho

Tum likho jeenay ka gham ... zakham-e-dil sehnay walon ka gham 

YE keh gham peenay walon ka gham ... Ya likho jalnay walon ka gham 

Aag pe chalnay walon ka gham ... shaam ko dhalnay walon ka gham 

Be'wajah ronay walon ka gham ... Khwaish honay walon ka gham 

Haath hain sard likhtay raho ... Rang hain be'zard likhtay raho

Baal hain gard likhtay raho...Shaairo dard likhtay raho