Dasht-e-shab par dikhaaei kiya dain gi
Silwatein roshni main ubhrain gi
Ghar ki dewaarain mere jaanay par
Apni tanhaiyon ko sochain gi
Ungliyon ko taraash doon phir bhi
Aadatein us ka naam likhain gi
Rang-o-bu se kahin pannah nahin
Khwaishain bhi kahan amaan dain gi
Ek khushboo se bach bhi jaaon agar
Doosri nikhatein jakar lain gi
Khirkiyon par dabeez parday hon
Baarishain phir bhi dastakein dain gi
No comments:
Post a Comment