Sun iltajaa hai itni

Sun iltajaa hai itni

Jab meri saansain

Mera jisam chor dain

Jab aankhain veeraan ho jayein

Jab main thak jaaon aur gir jaaon

Jab main tumhain pukaaron

Aur awaaz na dy paaein jab mujhay jana ho

Loatna ho apnay khuda kay paas

Aisay lamhay tum anjaana ik

Lamhay kay liye hi par dua kay liye

Haath uthaana meri sard

Paishaani pe apna haath rakhna

Taasuf se sar hilaana phir

Meray janazay ko kandha dena

Aur apni duniya se door chor aana

Bas sirf in chand lamhon ka sakoon meri

Zindagi pe tumhara ehsaan ho ga

Keh tumharay haathon ka

Lams qabar main bhi mujh se juda na ho ga