Suna ho ga bhout tum ne
Kahin aankhon ki rim jhim ka
Kahin palkon ki shabnam ka
Parha ho ga bhout tum ne
Kahin lehjay ki baarish ka
Kahin sagar kay aansoo ka
MAgar tum ne meray ham'dam
Kahin dekhaye , kahin parkhaye
Kisi tehreer kay aansoo
Mujhay teri judai ne
Yahi mehraaj bakhshi hai
Keh main jo lafaz likhta hoon
Woh saray lafaz rotay hain
Keh main jo harf bunta hoon
Woh saray bain kartay hain
Meray sang judai main
Meray alfaaz martay hain
Sabhi tareef kartay hain
Meri tehreer ki lakin
Kabhi koi nahin sunta
Meray alfaaz ki siski
Falak pe jo hila dalay
Meray lafzon main hai shaamil
Usi taseer kay aansoo
Kabhi dekho meray hamdam
Meri tehreer kay aansoo
No comments:
Post a Comment