Suno ae meharm-e-jaan

Suno ae meharm-e-jaan

Sard mehri ki

Kohar ki zad main aye

Dil par

Khamoshi ki barf

Ki da'beez teh ko

Kiya kabhi

Samjhotay kay ik harf-e-na rasa ki

Halki si tapish

Pighlaa paye  gi

NAhin na

To phir raah-e-talab ki

Be'aab-o-giyaah

Rast-e-pur'khaar par

Chalnay kay baad

La'haasil musaafton aur be'naam manzilon kay

Safar-e-raigaani ka

Dukh liye  na'tawaan dil

Dard ki shakist-o-raikhat

Se nikal paye ga

NAhin na , nahin na

Aye meharm-e-jaan suno zara

Aye meharm-e-jaan suno zara