Teri haakim se agar yaari hai
Jaan lay sher ki sawaari hai
Surkhiyaan zard nazar aati hain
Bad'gumaano ki yeh be'maari hai
Be'shumaar tan kay kharray hain ashjaar
Be'shumaar hi main inkasaari hai
Us ko her qoum kahay gi apna
Hilm hai jis main burd'baari hai
Neki dushman se , kathan hai lakin
Ek isi kaam main sardaari hai
Talkh saadiq ki sdaaqat hai magar
Us ki talkhi main hi beemaari hai
No comments:
Post a Comment