Tum se kuch nahin kehna

Hum ne soch rakha hai 

Chahaye dil ki her khwaish 

Zindagi ki aankhon se

Ashk ban kar beh jaye

Ghar ki saari dewaarain 

Chatt smait gir jayein 

Aur be'muqaddar hum

Khud hi kiyon na dab jayein 

Tum se kuch nahin kehna

Kaisi neend thi apni 

kaisay khwaab thay apnay 

Aur ab gulaabon par 

Neend wali aankhon par

Naram'khoo se khwaabon par 

Kiyon azaab tootay hain 

Tum se kuch nahin kehna 

Ghir gaye hain raaton maon 

Be'libaas baaton main 

Is tarah ki raaton main 

Kab chraagh jaltay hain 

Kab azaab tal'tay hain 

Ab to in azaabon se

Bach kay bhi nikalnay ka 

Raasta nahin jaana 

Jis tarah tum ko bhi 

La'zawaal lamhon se

Waasta nahin jaan a

Hum ne soch rakha hai 

Tum se kuch nahin kehna