Un kahi baaton ko un sunnay lafzon ko

Un kahi baaton ko un sunnay lafzon ko

Qaid se rehnay do

Keh warna

Guzray huye kal ki

Chubhan ki baz'gasht

Meri koi un'kahi

Tumhari koi un'suni

Aanay wale kal main

Achanak kabhi takraai to

Aankhain khoon roein gi

Zubaan larkharaye gi

Sam'aat kalbalaye gi

Zindagi dag'magaye gi

Jis chubhan pe zinda thay

Ik pal main na rahai

To

Usi pal mar jaao gay