Un ki yaadon kay jo aakhri thay nishaan

Barq nazron ko 

Baad-e-saba chaal ko 

Aur zulfon ko kaali ghatta keh diya 

Meri aankhon main 

Sawan ki rut ayi jab 

Deeda-e-yaar ko meh'kada keh diya 

MAin kahan jurrat-e-lab'kushai kahan 

Toba toba junoon ki yeh be'taabiyan 

Ru-ba-ru jin kay nazrain bhi uth'ti na thein 

Un kay munh pe unhain be'wafa keh diya 

 

Un ki yaadon kay jo aakhri thay nishaan 

Dil tarap'ta raha hum mitataay rahay  

Khatt likhay thay jo us ne kabhi pyaar main 

Un ko parhtay rahay aur jalaatay rahay 

Un pe khushiyon kay baadal barastay rahay 

Hasraton kay mujhay naag dastay rahay 

Main idhar khilwaton main tarapta raha 

Woh udhar mehfilon ko sajatay rahay 

 

Wafa ki aakhri had se guzar liya jaye 

Sitam garon kay mohallay main ghar liya jaye 

Jidhar nigah uthay aap hi kay jalway hon 

Jeeyein to aisay jeeyein warna mar liya jaye 

 

MAin jidhar bhi gaya jis taraf bhi gaya 

Rog hi rog thay sog hi sog thay 

Woh bhi thay log jo zakham detay rahay 

Woh bhi thay log jo zakham khaatay rahay 

 

Kuch to murda parasti ka dastoor tha 

Youn bhi her koi rasmon se majboor tha 

Zinda logon kay ghar main andhera raha 

Log qabron pe shamain jalatay rahya 

 

Un ka koi paighaam na aya 

Dil ka tarapna kaam na aya

Tu na mila to dar mila hai 

Dar se tere na'kaam na aya 

Husan ne ki jee bhar kay jafaein 

Us pe magar ilzaam na aya 

Tere baghair ae jaan-e-tamana 

Dil ko kahin araam na aya 

 

Haye woh pyaar kay pur'khatar silsalay 

Uff woh na'kaamiyon kay kathan marhalay 

Ghair to ghair hain un se shikwa hi kiya 

Hum se apnay bhi nazrain churaatay rahay 

Laakh samjhaya "sadiq" ne tum ko sanam 

Aaj kal pyaar ki jins na'yaab hai 

Paaglon ki tarah tum nagar dar nagar 

Khaak galiyon main youn hi uraatay rahay