Waqat bhi lafz hai

Waqat bhi lafz hai

Waqat ka saaz-o-aahang bhi

Rang bhi , sang bhi

Aman bhi , jung bhi

Lafz hi lafz hain

Phool bhi lafz hai

Dhool bhi lafz hai

Lafz qaatil bhi hai

Lafz maqtool  bhi

Lafz hi khoon bahaa

Lafz dasht-e-dua

Lafz arz-o-samaa

Subh-e-fasal-e-bahaaran bhi ik lafz hai

Shaam-e-hijar-e-nigaaran bhi ik lafz hai

Ronaq-e-bazam-e-yaaran bhi ik lafz hai

MAin bhi ik lafz hoon

Tu bhi ik lafz hai

Aa kay lafzon ki surat

Fizaa'on main mil kar bikhar jayein hum

Ik naya lafz takhleeq kar jayein hum

Aa keh mar jayein hum