Mere sabar ko azmaa raha tha
Woh mere qareeb aa raha tha
Ussay dar tha keh main bichar na jaaon
Mujhay apna yaqeen dilaa raha tha
Kisi aur ki main samjh na paaon
Mujhay aisi zabaan sikhaa raha tha
Yeh jahan gul aur qamr-o-saba
Mujhay sab se haseen batlaa raha tha
Ik din mujh se milnay youn aya
Keh sara badan us ka sharmaa raha tha
Yeh aadat bhi us ki bari dil'rubaa thi
Nigahein jhuka kar woh muskura raha tha
Kabhi youn na us ko haseeno main dekha
Jo dekha mera dil bhi ghabra raha tha
Juda ho kay mujh se woh ik roz baad
Mila youn keh pal pal ginwaa raha tha
No comments:
Post a Comment