Yeh pal kaash tehar jaye

Ruk jaao mujhay kuch kehna hai 

Tumhain pyaar bhi thora dena hai 

Phir apna raasta chalna hai 

Jis raastay pe saya bhi nahin 

Aur tum bhi nahin 

Bas yaad tumhari saath rahay 

Youn dil pe jaisay haath rahay 

Kuch dard ka bhi ehsaas rahay 

Ruk jaao yeh tohfa lena hai 

Bas pal do pal tum saath raho

Phir be'shak door chalay jaana 

Phir loat ky bhi tum na aana 

Bas yaad amar ho jaanay do 

Aik lambi umar judai ki 

Us saath se pehlay kaati hai 

Is pyaar kay baad guzrain gay 

Bas is pal meray saath raho 

Aur yeh pal kaash tehar jaye