Raaz-e-zindagi
Youn baat nahin banti , bigarti hai
Lab si kar
Door reh kar
Khamosh jee kar
Kab zindagi sanwarti hai
Ana ki bhaint khwaab mat charhaao
Ayo
Suno
Maana keh mohabbat dooriyon se nikharti hai
Yeh hijar kay karb naak lamhay
Yeh judai
Jab qatra qatra rooh main utar'ti hai
To
Khush'numa khwaabon ki
Ik ik pati bikharti hai
Zindagi , zindagi nahin rehti
Ik bojh ban kar
Zaat kay tukray tukray kar kay
Waqat guzaarti hai
Youn phir zindagi ...
Zindagi basar hoti hai
No comments:
Post a Comment