Chal chaltay hain us paar sanam

Chal chaltay hain us paar sanam

Jahaan lehron ki khamoshi ho

Jahaan saanson ki madhoshi ho

Jahaan jazboon ki be'hoshi ho

Jahaan aankhon se sargoshi ho

Chal chaltay hain us paar sanam

Ik naei aag lagaanay ko

Is dil ki pyaas bujhaanay ko

Ik doojay main kho jaanay ko

Aur ik pal kay naam ho jaanay ko

Chal chaltay hain us paar sanam

Jahaan asaan saari raahain hon

Jahaan labon pe sard se aahain hon

Jahaan apni aagosh ki panaahain hon

Chal chaltay hain us paar sanam