Kisi ka ishq kisi ka khyal they hum bhi
Gaye dinon mein bohat ba kamal they hum bhi
Hamari khoj mein rehti thein titlyan aksar
K apny shehr ka husn-o-jamal they hum bhi
Zameen ki goad mein sir rakh k so gaye akhir
Tumhary hijr mein kitny nidhal they hum bhi
Hum aks aks bikharty rahey isi dhun mein
K zindagi mein kabhi laazwal they hum bhi
Kisi ki yad ne hum ko nikama kar dala
Warna aadmi to be misal they hum bhi
No comments:
Post a Comment