Ik safar manzil-e-be'naam ki khaatar kar kay

Ab na aansoo hain , na aaina kahin meray qareeb 

Na woh mehfil hai mohabbat ki 

Na woh manzar hai kahin 

Dil-e-be'taab ko jo wajah-e-tassali ban jaye

Saaye ki tarah larazta hai , magar milta nahin 

Dil khizaan ka hai koi phool keh jo khilta nahin

Ik safar-e-manzil-e-be'naam ki khaatar kar kay 

Jaanay kis mor pe hum aaj rukay hain phir se

Ik safar manzil-e-be'naam ki khaatar kar kay 

Jaanay kis mor pe hum ayein , keh murr kay dekhain 

To koi raah , na dildaar , na khushboo koi 

Aik snaatay ki awaaz musal'sal goonjay 

Uthti hai meray dil se lau dhuwaan ki tarah 

Ik dhundlakay main chuppa leti hai manzar saaray