Kiya sar-o-kaar ab kisi se mujhay
Waasta tha to tha tujhi se mujhay
Be'hissi ka bhi ab nahin ehsaas
Kiya hua teri be'rukhi se mujhay
Mout ki aarzoo bhi kar dekhon
Kiya umeedain thi zindagi se mujhay
phir kisi pe na aaitabaar aya
Youn utaaro na apnay jee se mujhay
Tera gham bhi na ho to kiya jeena
Kuch tasali hai dard hi se mujhay
Kar gaye kis qadar tabbah "Zia"
Dushman , andaaz-e-dosti se mujhay
No comments:
Post a Comment