Kiyon hamain mout kay paighaam diye jaatay hain
Yeh saza kam to nahin hai keh jiye jaatay hain
Hum hain ek shamma magar dekh , bujhtay bujhtay
Roshni kitnay andheron ko diye jaatay hain
Nasha dono main hai saaqi , mujhay gham dy keh shraab
Meh bhi pee jaati hai , aansoo bhi piyea jaatay hain
Tujh ko barson se kiyon hai tarq-e-taaluq ka khyaal
Faisalay woh hain jo pal bhar main liye jaatay hain
Apni taarekh-e-mohabbat kay woh hi hain soorat
Hans kar her saans par jo zehar piye jaatay hain
Abgeeno ki tarah dil hain ghreebon kay Faraz
Toot jaatay hain kabhi tor diye jaatay hain
No comments:
Post a Comment