Malal hai magar itna malal thori hai
Ye aankh rone ki shiddat se laal thori hai
Ye aankh rone ki shiddat se laal thori hai
Bus apne wastey hi fikar-mand hain sab log
Yahan kisi ko kisi ka khayal thori hai
Paron ko kaat dia hai urhan se pehle
Ye khof-e-hijr hai, shoq-e-wisal thori hai
Maza to jab hai k har ke bhi hanstay raho
Hamaisha jeet hi jana kamal thori hai
Lagani parhti hai dubki ubharney se pehle
Gharoob honey ka matlab zawal thori hai
No comments:
Post a Comment