Mere khwaabon ke gulshan mein
khizaa'en raqs karti hain
mere honton ki larzish mein wafaa'en raqs karti hain
mujhe woh laakh tarpaaye magar uss shakhs ki khaatir
mere dil ke andheron mein duaa'en raqs karti hain
usay kehna ke laut aaye sulagti shaam se pehle
kisi ki khushk aankhon mein sadaa'en raqs karti hain
Khuda jaane kesi kashish hai uski yaadon mein
main uska zikr chheroon to hawaa'en raqs karti hain
No comments:
Post a Comment