Mujhay us se yeh kehna tha

Mujhay us se yeh kehna tha

Keh mujh ko yaad na karna

Tarap kar tum judai main

Yeh dil barbaad mat karna

Tum honton pe hansi koi

Kahin se qaid kar laina

Jo mujh se door bhi ho jaao

Issay azaad mat karna

Kisi bhi tor jee layein gay

Magar tum zindagi se ab

Koi fariyaad mat karna

Magar yeh sab jo kehna tha

Yeh us se kab kaha main ne

Tumharay bin nahin jeena

Bas itna keh diya main ne