Nazar mila kay meray paas aa kay loot liya
Nazar hatti thi keh phir muskura kay loot liya
Duhaai hai meray Aalh ki dohaai hai
Kisi ne mujh se hi mujh ko chupa kay loot liya
Salaam us pe keh jis ne utha kay parda-e-dil
Mujhi main reh kay mujhi main sama kay loot liya
Yahaan to khud teri hasti hai ishq ko darkaar
Woh aur hon gay jinhain muskuraa kay loot liya
Nigah daal di jis par haseen aankhon ne
Ussay bhi hussan-e-mujasam bana kay loot liya
No comments:
Post a Comment