Uljhaao ka maza bhi teri baat hi main tha
Tera jawaab teray sawalaat hi main tha
Saya kisi yaqeen ka bhi jis par na par saka
Woh ghar bhi shaher-e-dil ki muzaafaat hi main tha
Ilzaam kiya hai yeh bhi na jana tamaam umar
mulzim tamaam umar hawalaat hi main tha
Ab to faqat badan ki murawat hai darmiyaan
Tha rabt jaan-o-dil ka to shoruaat hi main tha
Mujh ko to qatal kar kay manaata raha hai jashan
Woh zi'lihaaz shakhs meri zaat hi main tha
No comments:
Post a Comment