Ajeeb karb main guzri , jahaan jahaan guzri
Agarchay chahnay walon kay darmiyaan guzri
Tamaam umar jalaatay rahay chragh-e-umeed
Tamaam umar umeedon kay darmiyaan guzri
Guzar gayi jo teray saath , yaad gaar hai woh
Teray baghair jo guzri , balaa-e-jaan guzri
Mujhay sakoon myussar nahin to kiya gham hai
Gulon ki umar to kaanton kay darmiyaan guzri
Ajeeb cheez hai . yeh gardish-e-zamana bhi
Kabhi zameen pay , kabhi misal-e-asmaan guzri
No comments:
Post a Comment