Ajnabi khouf fizaon main basa ho jaisay
Shaher ka shaher hi asaib zada ho jaisay
Raat kay pichlay pehar aati hain awazain si
Door sehra main koi cheekh raha ho jaisay
Dar-o-dewaar pe chai hai udaasi aisi
Aaj her ghar se janaza sa utha ho jaisay
Muskuraata hoon pa-e-khatir-e-ehbaab magar
Dukh to chehray ki lakeeron pe saja ho jaisay
Ab agar doob gaya bhi to na maron ga "Kamal"
Behtay paani pe mera naam likha ho jaisay
No comments:
Post a Comment