Mohabbaton main gar koi jadugari nahin hoti
Chakori chaand kay liye youn baa'nawari nahin hoti
Dil ki aahatain dil khud ba'khud hi sunta hai
Dil kay muamalaat main mukhbari nahin hoti
Ik nigaah main hi log rooh tak utartay hai
Nazar koi bhi pyaar main sar'sari nahin hoti
Seenchta hoon raat din aab-e-chasham se magar
Phir bhi shaakh-e-jaan meri kyn hari nahin hoti
Lay ja khud samait kar jo bhi meray paas hai
Ab mujh se teri yaadon ki dilbari nahin hoti
Tu ne jo bhula diya to kiyon karoon shikayatein
Khuda kay kis kaam main behtari nahin hoti
Ik chragh se yahan so chragh jaltay hain
Mohabbat koi jahaan main aakhri nahin hoti
Haan bhatak hi jaana tha teri raah main mujhay
Kisi kay naqsh-e-paa se jo raahbari nahin hoti
Teray baad bhi khwaab dekhta hai par
Ab kisi bhi khwaab main koi pari nahin hoti
No comments:
Post a Comment