Dekha palat kay us ne hasrat ussay bhi thi
Hum jis par mar mitay thay mohabbat ussay bhi thi
Chup ho gaya tha dekh kar woh bhi idher udhar
Duniya se meri tarah shikayat ussay bhi thi
Yeh soch kar andheray main galay se laga liya
Raaton ko to jaagnay ki aadat ussay bhi thi
Woh khush hua tha mujh ko parishaan dekh kar
Us din majboor karnay ki zaroorat ussay bhi thi
Un pathron kay saath nibhaani pari hai ussay
Jin se faqat mujhay nahin nafrat ussay bhi thi
No comments:
Post a Comment