Dost miltay hain yahan dil ko dukhaanay kay liye
Ungliyaan rakhtay hain woh hum pe uthaanay kay liye
Kiya qasoor un ka yeh ik rasam chali ayi hai
Tohmatain hoti hain duniya main laganay kay liye
NA'khuda maan kay baithay hain jin ki kashti main
Woh hamain moujon main laye thay dabonay kay liye
Woh hawaon ki tarah rukh ko badal letay hain
Ham naseebon se laray thay jinhain paanay kay liye
No comments:
Post a Comment