Jo khushi tumharay qareeb ho
Woh sada tumhain naseeb ho
Tujhay woh khaloos milay keh jo
Teri zindagi pe moheet ho
Jo miyaar tujh ko pasand ho
Jo tumharay dil ki umang ho
Teri zindagi jo talab karay
Teray hamsafar ka woh rang ho
Jo khayal teray dil main aseer ho
Aur dua main bhi taseer ho
Teray haath ut'tay hi khuda karay
Teray samnay tabeer ho
Tujhay woh jahan milay jidher
Ghamon ka koi guzar na ho
Jidhar roshni ho khaloos ki
Aur nafraton ko khabar na ho
No comments:
Post a Comment