Khizaan kay mousam main gulaab maang raha hai
Phir apnay liye koi azaab maang raha hai
Jaan maangta to main zara taughafal na karta
Magar woh mujh se meray khwaab maang raha hai
Ata kar kay meri zeest ko hijar ki azeeatain
Aur mujh se wisaal-e-rut kay hisaab maang raha hai
Khataein karna hi raha mashgala us ka
Main kiya doon sila ussay woh sawaab maangta raha hai
Apni samjh main us ki guftagoo bhi nahin aati
Aur woh an'kahay sawalon kay jawaab maang raha hai
Mujh ko apnay wajood pe bhi das'taras nahin haasil
Aur dil-e-na'daan hai mehtaab maang raha hai
Koi zindagi se ghabra gaya is qadar
Kashti ka musaafir hai aur gardaab maang raha hai
No comments:
Post a Comment