Raat us ne poocha tha
Tum ko kaisi lagti hai
Chandni december ki
MAin ne kehna chaha tha
Saal-o-maah kay baaray main
Guftagoo kay kiya maani
Chahaye koi manzar ho
Dasht ho , samandar ho
June ho , december ho
Dharkano ka her naghma
Manzaron pe bhaari hai
Saath jab tumhara ho
Dil ko ik sahaara ho
Aisa lagta hai jaisay
Ek nasha sa taari ho
Lakin us ki qurbat main
Kuch nahin kaha main ne
Takti reh gayi mujh ko
Chandni december ki
No comments:
Post a Comment