Main jal raha hoon dhoop main , woh maanta nahin
Sar pe mohabbat ki rida taanta nahin
Jissay ghar ki eent eent pe likha hai mera naam
Iss ghar main ab koi mujhay pehchaanta nahin
Kiya chahata hoon us se meri aarzoo hai kiya
Sab kuch woh jaanta hai magar jaanta nahin
Sulee pe taankta hai magar iss adaa kay saath
Mujrim bhi pyaar ka mujhay gar'daanta nahin
Hoti hai sab ko ishq main sood-o-ziyaan ki aas
Meri tarah to khaak koi chaanta nahin
No comments:
Post a Comment